ដើម្បីសម្រេចបាននូវគោលដៅខាងលើ ក្រុមការងារអភិវឌ្ឍន៍សមត្ថភាពបាននឹងកំពុងផ្តល់នូវការបណ្តុះបណ្តាល និងសេវាកម្មពីយេនឌ័រផ្សេងៗជាច្រើន ដើម្បីឆ្លើយតបទៅនឹងតម្រូវការរបស់សាធារណជន និងអតិថិជនរបស់ខ្លួនក្នុងបរិបទនៃយេនឌ័រ ដែលមានលក្ខណៈការអភិវឌ្ឍន៍ជាសាកល។

• វគ្គបណ្ដុះបណ្ដាលតាមតម្រូវការ៖ ក្រុមការងារ GADC អាចផ្តល់ជូននូវវគ្គបណ្ដុះបណ្ដាលជាច្រើនដែលត្រូវបានរៀបចំឡើងដោយផ្អែកលើសំណើពីដៃគូរបស់ខ្លួន, អតិថិជន,, ទីភ្នាក់ងារ, អង្គការក្នុងស្រុក និងអន្តរជាតិ និងស្ថាប័នសាធារណៈ ហើយធ្វើការយ៉ាងជិតស្និទ្ធជាមួយពួកគេដើម្បីបង្កើតសម្ភារៈបណ្តុះបណ្តាល/កម្មវិធីសិក្សាដែលនឹងមានប្រសិទ្ធភាព និង អាចអនុវត្តបានក្នុងបរិបទការងាររបស់ខ្លួន។
• វគ្គបណ្ដុះបណ្ដាលក្នុងស្ថាប័ន៖ អង្គការហ្គេដស៊ី (GADC) អនុវត្តការបណ្ដុះបណ្ដាលប្រភេទនេះនៅក្នុងទីស្នាក់ការកណ្តាលរបស់ខ្លួនជារៀងរាល់ឆ្នាំ ដែលនិយាយអំពីប្រធានបទជាក់លាក់ដូចជា ជំនាញ/ចំណេះដឹងដែលទាក់ទងនឹងការងារ និងជីវិតដល់ក្រុមការងារ ក្នុងគោលបំណងពង្រឹងការអភិវឌ្ឍន៍ផ្ទាល់ខ្លួន និងវិជ្ជាជីវៈ។
• សេវាកម្មដែលទាក់ទងនឹងហ្វីមីនីសផ្សេងទៀត៖ អង្គការហ្គេដស៊ី (GADC) អាចផ្តល់ជូននូវការបង្វឹក ការណែនាំតាមបែបហ្វីមីនីស, ការសម្របសម្រួល, ការប្រឹក្សាយោបល់ទៅលើ ការអភិវឌ្ឍន៍គោលនយោបាយសមភាពយេនឌ័រ និងការស្រាវជ្រាវផ្សេងៗដែលប្រើប្រាស់ការចូលរួមតាមបែបហ្វីមីនីស នៅក្នុងជំនាញពិតប្រាកដផងដែរ។